A Sala RUN RUM nace coa intención de crear un espazo  alternativo en Ferrol para levar adiante actividades musicais  e lúdico-culturais abertas a todos os estilos (pop, rock, folk,  funky, fusión...) e a todas as asociacións e colectivos da  comarca que queiran dispoñer dun local onde realizar as  súas actividades (exposicións, presentación de eventos,  libros...).

 Pensamos que Ferrol merece un local que poida acoller as  distintas iniciativas cidadás no eido artístico-cultural sen  atrancos e con amplitude de miras, coa intención de  enriquecer o panorama cultural da nosa comarca, e todo isto  dentro da "cultura de bar", nun ambiente distendido e  informal.

 A Sala RUN-RUM quere ser música, danza, vídeo-creación,  artesanía, deseño..., o reflexo do Ferrol no que nós cremos.

 Por suposto a Sala é tamén un bar e, polo tanto, se pode  alugar tanto a persoas como asociacións, colectivos, etcétera  para organizar as actividades que consideren oportunas nun  local perfectamente acondicionado (equipo de son, pequeno  escenario, luces...) e situado no centro de Ferrol.